По дури 13 сезони поминати во редовите на Алборг, најдобриот стрелец во историјата на клубот, Бастер Јул, од следната сезона ќе го носи дресот на Бјерингбро Силкеборг.
32-годишното лево крило потпиша договор на две години, со важност до летото 2028 година, иако планираше да ја заврши кариерата по истекот на договорот со Алборг.
„Имам голема желба и понатаму да играм ракомет на највисоко ниво – затоа Бјерингбро Силкеборг беше природен избор. Клубот секогаш имал високи амбиции и сметам дека може да постигне повеќе од последните сезони. Тоа беше клучен фактор во мојата одлука“, изјави Јул.
Бастер Јул заминува од Алборг како најдобар стрелец во историјата на клубот, а воедно е и втор играч со најмногу настапи, веднаш зад капитенот Рене Антонсен.
За 481 натпревар досега, Бастер Јул постигна 1570 погодоци.
