За Бундес лигата сите потврдуваат дека е најсилната ракометна лига на светот, и таму и примањата се најголеми. Има клубови кои плаќаат навистина многу, а дел од играчите заработуваат одлилна сума на пари. Иако споредбено со други спортови како фудбалот и кошарката, се многу помалку, сепак ракометот е доста платен спорт.
Најдобриот ракометар на светот во последните две години, Матијас Гидсел, кој настапува за Берлин, заработува 50.000 евра месечно, објави SportBild. Данецот со новиот договор доби зголемување во однос на претходните 40.000 евра месечно.
Ист ваков месечен приход има и голманот на Кил, Андреас Волф. Интересно е што германскиот репрезентативец при преминот од Келце во Бундес лигата прифатил намалување на платата – во Полска заработувал 55.000 евра месечно.
Капитенот на Германија, Јоханес Гола, во моментов во Фленсбург добива 32.000 евра месечно, но од следното лето ќе премине во Мелсунген, каде што ќе има значително повисок договор и ќе стане најплатен играч на клубот. Сега најголема плата во Мелсунген има Тимо Кастенинг, со 30.500 евра месечно.
Дејан Милосављев во Берлин има плата од 32.000 евра, Михајло Марсениќ има 25.000 евра…
Во Германија многу работи се транспаретни, и познати. Колку заработуваат на пример ракометарите во Македонија? Податок што никој не го објавува јавно.
