Членката на шампионот Ѓорче Петров, Ивана Дежиќ, го доби признанието за најкорисен играч, односно ѕвезда на 15. коло од плеј-оф фазата во Женската лига.
Бекот одигра одлично на гостувањето кај Металург Автокоманда, особено во првото полувреме кога шампионот ја направи клучната серија и беше меѓу најзаслужните за освоените бодови.
Дежиќ на гласањето доби околу 64% од гласовите на читателите на 24Ракомет, додека второпласирана беше Сара Цветановска од Куманово со 27%.
Во конкуренција за ѕвезда на 15. коло од плеј-офот беше и Стефанија Ѓорѓиевска од екипата на Чаир.
