Тимот на Кире Лазаров во натпревар од 21. коло на Супер лигата убедливо триумфираше над Куманово со 41:27.
Гостите од Автокоманда победата ја најавија веќе во првото полувреме, кое го добија со 17-10.
Домаќините се надеваа на подобро издание пред својата публика, но разликата во квалитет меѓу двете екипи беше очигледна уште во првите 30 минути.
Најефикасен во победничката екипа беше Александар Петковски со 13 погодоци, пет имаше Дамјан Митев, а во поразениот табор прво име беше Џанкарло Фелипе Хен со десет погодоци.
За третопласираниот тим од минатата сезона, ова беше 19-та победа, додека Куманово го забележа 16-тиот пораз.
