Македонската репрезентација денска ќе го има вториот предизвик на Светското првенство во Хрватска, Данска и Норвешка и ќе се соочи со Холандија.
Десниот бек Мартин Велковски вели дека можеби ќе имаме проблеми со брзината на ривалите, но дека немаат корпулентни кружни напаѓачи како Унгарија.
„Холандија е селекција која повеќе ни одговара бидејќи немаат корпулентни кружни напаѓачи како Унгарија, навистина со нив се мачевме. Не добивме ниту еден фаул во напад. Веруваме дека со Холанѓаните ќе биде подобро. Можеби ќе имаме проблеми со нивната брзина, но влегуваме максимално подготвени“, изјави Велковски.
Натпреварот меѓу Македонија и Холандија се игра вечерва со почеток во 18:00 часот во „Вараждин Арена“.
