Македонскиот шампион Еурофарм Пелистер ќе ја пречека данска Фредериција во натпреварот од осмото коло во Лигата на шампионите.

За битолскиот тим ова е важен натпревар, бидејќи со евентуална победа ќе си ги зголеми шансите за пласман во осминафиналето од европската елита.

На првиот натпревар, кој беше одигран во Оденсе, македонскиот шампион со пресврт во вториот дел дојде до два важни бода, триумфираше со 25:23.

Голманот Никола Митревски, кој со 15 интервенции беше најзаслужен за победата на првото соочување со Фредериција, ги истакна своите очекувања.

„Тие најавуваат дека сакаат реванш. Таму одигравме добар натпревар, ја остваривме првата победа и освоивме два бода и сакаме да продолжиме во тој ритам. Верувам дека салата ќе биде исполнета и со поддршката од нашите навивачи ќе славиме конечно домашна победа. Тие нема што да загубат сега, за разлика од претходниот натпревар ќе играат опуштено и мислам дека со добра атмосфера и полна сала повторно ќе ги победиме”, изјави Митревски.

Натпреварот меѓу Еурофарм Пелистер и Фредериција се игра вечерва во салата „Боро Чурлевски“ со почеток во 20:45 часот.

Петар Атанасијевиќ: Фредериција не е екипа за потценување

Тајник: Цела Битола очекува победа, а ние ќе се потрудиме да ја оствариме

Алонсо: Натпреварот против Фредериција е со голем влог – ќе решаваат детали

Македонскиот шампион Еурофарм Пелистер ремизираше против Фредериција, 29:29, во натпревар од 8. коло од Лигата на шампионите.

Избраниците на Алонсо имаа напад за два бода, но гостите се одбранија во финишот од средбата.

Искусниот Илија Аутовиќ ги истакна своите импресии по освоениот бод против данскиот вицепрвак.

,,Знаевме дека ќе биде потешко од првиот натпревар. Фредериција е добра екипа, игра добар ракомет. Сите навивачи очекуваа победа, ама не треба ние да се разочаруваме. Пред три дена почнавме да градиме нешто ново, секој бод е важен во Лига на шампиони. Ние направивме многу со ова реми. Благодарност до публиката, сега ние се насочуваме кон следните натпревари. Веќе в сабота нè чека следниот меч, а потоа доаѓа и Веспрем на гости“, изјави Абутовиќ.

Еурофарм Пелистер во следното коло од европската елита гостува кај европскиот гигант Веспрем.

Еурофарм Пелистер освои нов бод – драмата со Фредериција заврши реми

Алонсо: Кога не ги искористивме шансите за победа, добар е и бодот

Манасков: Не сме среќни, аме сме задоволни со бод

Португалскиот Спортинг Лисабон му нанесе тежок пораз на ПСЖ, иако тоа не се насетуваше по првото полувреме. Францускиот првак беше ослабен на ова гостување без повредениот Пранди, но тоа ниту оддалеку не го оправдува поразот од десет гола разлика, 39-29.

По нерешените 6-6, ПСЖ почна да ја презема контролата на теренот најмногу по заслуга на пивотот Лоредон, кој го менуваше Шипжак на линијата. Тој постигна четири гола во првиот дел, па францускиот тим се одлепи на плус три, 9-6.

Беше и 10-7, но се разигра Салвадор во финишот на првиот дел и португалскиот шампион успеа да израмни на 12-12. Потоа до паузата се играше најчесто гол за гол, а на одморот Спортинг замина со водство, 16-15.

По 19-18 за Спортинг, почнаа да промашуваат француските ѕвезди, Кристенсен блескаше на домашниот гол и предноста на португалскиот тим почна да расте. Серијата на тимот на Рикардо Кошта најпрво беше 6-0 за 25-18 и веќе немаше назад за ПСЖ.

Потоа уште еден налет за 33-24 и јасно беше дека ова ќе биде дебакл на тимот предводен од Раул Гонзалес.

Најдобри стрелци кај победникот беа Мартим Кошта со девет и Ори Торкелсон со седум гола, додека голманот Кристенсен ги излуде гостите и запиша 17 одбрани. Во францускиот состав Холм погоди шест пати, а по пет гола имаа Лоредон и Јахја.

Еурофарм Пелистер одигра нерешено, 29-29 со Фредериција, иако можеше македонскиот првак дури и да победи, но и да загуби. Со овој бод, битолчани остануваат се уште во игра за место кое води во осминафиналето на лигата на шампионите. Веројатно ќе биде клучен оној меч со Висла во Битола.

Во последните десет минути се влезе со нерешен резултат, 25:25, се играше гол за гол, пелистерци наместо на два разлика, дозволија ривалот да израмни, 27:27, а на три минути пред финишот Фредериција со два гола во низа го презеде водството, поведе со 29:28. Еурофарм Пелистер израмни на 29:29, гостите не реализираа напад, но ниту домашниот тим не успеа да дојде до гол во последните секунди,

„Тежок меч. Фредериција беше подобра отколку на првиот меч, Играа полесно, и даваа лесни голови особено во првото полувреме. Почнавме добро, па после паднавме. не успеавме денеска да им помогнеме на голманите, да имаат повеќе одбрани. Можеше и да загубиме. Успеавме да освоиме еден бод, не сме среќни, но секако сме задоволни, изјави Дејан Манасков, крилото на Еурофарм Пелистер.

Во следното коло пелистерци гостуваат кја Веспрем.

Еурофарм Пелистер освои нов бод – драмата со Фредериција заврши реми

Амбициозниот состав на Охрид вторпат во серија ќе игра на домашен терен и по поразот од тимот од Автокоманда, посакува враќање на победничките патеки.

Ривал на избраниците на Стевче Алушовски ќе биде составот на Радовиш, а десното крило Наум Костов вели дека ниту еден тим не смее да се потцени.

„Мора да им се вратиме на победите. Треба да го отвориме добро натпреварот против Радовиш, да покажеме сила од стартот и да направиме добра атмосфера за потешките натпревари што ни следуваат до крајот на оваа полусезона. Ова е ракомет, не смееме никој да потцениме, секој знае да одигра добро ако го потцениш, тоа треба да го сфатиме. Од сопствено искуство го знаеме тоа во минатото и не смееме да дозволиме опуштање. Сепак квалитетот е на наша страна, подобра екипа сме, но тоа ништо не значи и мора да го докажеме на терен“, изјави Костов.

Натпреварот меѓу Охрид и Радовиш ќе се игра в сабота во СРЦ „Билјанини Извори“ со почеток во 15:00 часот.