Европската ракометна федерација ги објави официјалните лица за натпреварите од осмото коло во Лигата на шампионите.

Македонскиот првак Еурофарм Пелистер игра важен натпревар со данската Фредериција во борбата за осминафиналето, а судии доаѓаат од Словенија.

Станува збор за Бојан Лах и Давид Сок, додека делегат на натпреварот во Битола ќе биде Марко Треспиди од Италија.

Натпреварот меѓу Еурофарм Пелистер и Фредериција ќе се игра во среда, на 20 ноември со почеток во 20:45 часот.

Со победа македонскиот првак ќе направи чекор напред кон осминафиналето, иако ќе останат уште многу натпревари за играње до крајот на групната фаза.

Гледајте ВО ЖИВО, Валур – Вардар, ТУКА

Македонскиот шампион Еурофарм Пелистер ремизираше против Фредериција, 29:29, во натпревар од 8. коло од Лигата на шампионите. Избраниците на Алонсо имаа напад за два бода, но гостите се одбранија во финишот од средбата. На првото соочување меѓу двете екипи, победи Еурофарм Пелистер со 25:23.

По нерешените 4:4, тимот од Данска со два гола во низа за првпат успеа да се одлепи на ,,плус два” 6:4. До средината на првото полувреме голманот Никола Митревски беше без интервенција, додека на спротивната страна Торстен имаше две.

Фредериција некако успеаваше да ја сочува предноста, иако ниту тимот од Данска не играше најидеално, по 15 минути успеа да зголеми до дотогаш највисоките плус три, 10:7. Откако Митревски не можеше ништо да одбрани, тренерот Алонсо одлучи да направи замена, па во игра влезе вториот голман Филип Ивиќ, кој имаше само една интервенција за петнаесетина минути.

Во последните десет минути од првото полувреме пелистерци никако не можеа да дојдат до израмнување, не ги искористуваа грешките на ривалот, па така Фредериција константно беше во предност, но без голема комоција во играта, водеше со два до четири гола разлика. Гостите ја сочуваа стекнатата предност и на пауза заминаа со 16:13.

Откако Фредериција поведе со 17:13 на стартот на вториот дел, домаќините направија мини серија и намалија на 17:15 во 35 минута. За камбек во натпреварот недостасуваа одбраните на голманот. Ракометарите на македонскиот шампион намалија на 20:19 во 40 минута, а предноста на Фредериција во 45 минута остана иста, 21:20.

Домаќинот имаше шанса за израмнување, но искусниот Манасков погреши, па така гостите казнија за 22:20. Следуваа погодоците на Пешевски и Радивојевиќ за 22:22 во 47 минута и од тој момент Еурофарм Пелистер влезе во игра за победа. До крајот секој напад беше важен, а пелистерци, по нерешените 23:23, со голот на Кузмановски за првпат поведоа, 24:23, но гостите веднаш возвратија за 24:24.

Во последните десет минути се влезе со нерешен резултат, 25:25, се играше гол за гол, пелистерци наместо на два разлика, дозволија ривалот да израмни, 27:27, а на три минути пред финишот Фредериција со два гола во низа го презеде водството, поведе со 29:28. Еурофарм Пелистер израмни на 29:29, гостите не реализираа напад, но ниту домашниот тим не успеа да дојде до гол во последните секунди, па нерешениот резултат е најреален исход од денешната средба.

Еурофарм Пелистер во следното, 9. коло од европската елита ќе гостува кај унгарскиот гигант Веспрем.

Ракометарите на Вардар освоија бод на гостувањето кај исландскиот Валур, 34-34, откако Марко Срдановиќ го погоди пеналот по истекот на времето.

Ниту во далечниот Рејкјавик, македонскиот тим не беше сам и имаше поддршка од публиката во салата „Н1“.

Иако губеше и со четири гола во првиот дел, Вардар успеа да се врати во игра, во еден момент и поведе, но не успеа да слави на крај.

За „црвено-црниот“ тим, кој на Исланд настапи без Борозан, Лазаревски и Еспиња, останува уште домашниот меч против Мелсунген следниот вторник.

Репрезентацијата на Кина, која во Македонија се подготвуваше за настап на континенталното првенство во Индија, победнички ги одработи подготовките.

Освен со актуелниот шампион Ѓорче Петров, против кого тестираше двапати, Кина спарингуваше и со Металург Автокоманда.

Азиската селекција беше доминантна против македонскиот тим, триумфираше со 18 гола разлика, 38:20.

Кина уште на полувреме имаше убава предност од 17:9, додека во вториот дел домашниот тим, кој настапи без неколку ракометарки, целосно капитулираше.

Гостинките освен што тренираа и играа пријателски дуели во Скопје, имаа можност да го гледаат Чаир во европските настапи против Колехио Де Гаиа.