Единствениот европски претставник од Македонија вo женска конкуренција, Чаир, игра во турбо-ритам пред двомечот од Европскиот Куп.

Чаир денеска ќе го пречека составот на Астибо од Штип, во натпреварот од 10 коло во Женската лига, што е закажано за следниот викенд, но тогаш избраничките на Басри Љатифи ќе имаат европски обврски, па затоа се игра порано.

Ова е четврти натпревар за Чаир во шест дена, ако се знае дека мечот со Скопје од 9 коло се играше во четвртокот, а за време на викендот одигра два дуели од Купот на Македонија против Ѓорче Петров 2 и Куманово.

И покрај напорното темпо, Чаир е фаворит против Астибо, а овој меч ќе послужи за добра подготовка за двомечот од третото коло во Европскиот Куп против португалскиот Колехио Де Гаиа.

Натпреварит меѓу Чаир и Колехио Де Гаиа се играат в сабота и недела во Автокоманда со почеток од 16:00 часот.

Денеска низ Европа ќе се игра во неколку шампионати, а интересни дуели се очекува да има во Купот на Германија.

На програмата од 20:00 часот е натпреварот меѓу Кил и Магдебург, а победникот од овој дуел ќе обезбеди пласман во четвртфиналето во германскиот Куп.

Свој настап ќе имаат дел од македонските интернационалци – Сара Ристовска (Рапид), Сара Стефаноска, Јана Равојска (Јагодина), Мартин Поповски (Цирих), Ива Младеновска (Брест), Симона Маџовска (Цвикау), Михаил Иваноски (Дубочица)….

ДЕНЕСКА НА ТЕРЕНИТЕ:
14:00 ЧСМ – БАЈА МАРЕ (РОМАНИЈА)
15:30 КРОНОН – СКА МИНСК (БЕЛОРУСИЈА)
16:00 КРАЈОВА – ВАЛЧЕА (РОМАНИЈА)
16:30 РАПИД – ДУНАРЕА (РОМАНИЈА)
18:00 ЗАГРЕБ – ПОРЕЧ (ХРВАТСКА)
19:00 ЈАГОДИНА – НИШ (СРБИЈА)
19:00 ВАЛУР – ИБВ (ИСЛАНД)
19:00 ХАНОВЕР – ФЛЕНСБУРГ (ГЕРМАНИЈА)
19:00 ДУБОЧИЦА – МЕТАЛОПЛАСТИКА (СРБИЈА)
19:00 ЛУДВИГСБУРГ – ЦВИКАУ (БУНДЕС)
19:30 АЈЗЕНАХ – МЕЛСУНГЕН (ГЕРМАНИЈА)
19:30 КОБУРГ – ЛЕМГО (ГЕРМАНИЈА)
19:30 ЦИРИХ – ЗУР (ШВАЈЦАРИЈА)
20:00 КИЛ- МАГДЕБУРГ (ГЕРМАНИЈА)
20:00 БЕЗАНСОН – БРЕСТ (ФРАНЦИЈА)

Ракометната федерација на Македонија, иако подоцна од најавеното, денеска ги исплати ветените премии за три репрезентативни селекции.

Сениорите и сениорките ќе поделат по 2.000.000 денари за пласманите на СП 2025 и ЕП 2024.

Мажите го минаа успешно баражот со Фарски Острови и обезедија пласман на Мундијалот во Хрватска, Данска и Норвешка, додека дамите преку квалификациите со Шпанија, Азербејџан и Литванија се пласираа на континенталниот собир.

Премија од 1.000.000 денари имаше и за младинците, кои го освоија деветтото место на Европското првенство во Словенија ова лето.

По скандалозниот натпревар од Купот на Македонија меѓу Скопје и Гевгелија и одлуките на Дисциплинската Комисија на РФМ, се огласија и од Министерството за спорт.

Toa што го најави министерот за спорт, Борко Ристовски, веднаш по мечот меѓу Скопје и Гевгелија, денеска доби своја официјлизација, и на двата клуба им се поништени решенијата за дејност спорт.

„Во врска со последните случувања во ракометниот Куп на Македонија во женска конкуренција, по одигрувањето на Женската ракометна лига за сезоната 2024/2025 и појавата на неспортско однесување од страна на ЖРК Гевгелија и ЖРК Скопје на Куп натпреварот во групната фаза, Ракометната федерација на Македонија, по спроведена дисциплинска постапка, констатираше активности од страна на двете екипи кои се спротивни на начелото на фер-плеј, предизвикувајќи нарушување на спортскиот дух, спортскиот интегритет и витештво што е во целосна спротивност со Кодексот на ракометните клубови при РФМ и спротивно на Олимписката повелба.
Истото резултираше со исклучување на двете екипи од Ракометната федерација на Македонија и изрекување мерки на суспензија за повиканите официјални лица.
По изрекувањето на овие мерки од страна на РФМ, Министерството за спорт, во законска постапка, им ги поништи решенијата за дејност спорт на ЖРК Гевгелија и ЖРК Скопје со што тие повеќе немаат легитимитет да настапуваат во националниот систем на натпревари во македонскиот ракомет.
Министерството за спорт и Ракометната федерација на Македонија ја користат оваа прилика да упатат порака до сите спортски чинители да бидат одговорни на спортските борилишта што значи почитување на спортските правила кои се резултат на меѓународни консензуси во дејноста спорт и секогаш да бидат подготвени да го сочуваат спортскиот дигнитет, зашто преку спортот, како општо препознатлива вредност, покрај останатите придобивки, се претставува и афирмира македонскиот спорт во меѓународни рамки и се јакне националната свест“, се вели во соопштението.

Претходно Дисциплинската комисија на РФМ ги исфрли двете екипи од Женската лига, а покрај сениорските, ќе бидат исклучени и сите нивни екипи во младинските категории.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!

Две години суспензии за Радуловиќ, Треноска и Беќарова, казна и за делегатот на скандалозниот натпревар!

Екипата на Ѓорче Петров е последниот патник на завршницата во женскиот Куп, откако службено ќе го добие натпреварот против Гевгелија што требаше да се игра денеска.

Поради скандалот на натпреварот меѓу Скопје и Гевгелија, скандал за кој пишуваа и регионалните медиуми, тимот од најјужниот македонски град кој требаше да игра финале во групата В, доби суспензија од страна на РФМ.

Како што е познато, Дисциплинската комисија на македонската куќа на ракометот ги исфрли двете екипи од системот на натпреварување.

Освен Ѓорче Петров, на завршницата во Купот ќе учествуваат уште Чаир, Вардар и Металург Автокоманда.

Во минатата сезона Ѓорче Петров со победата над Чаир од 36:24 успеа да го освои Куп трофејот.

Куп на Македонија, жени, групна фаза:

група А
Спартак – Шампион 29-19
Металург Автокоманда – Стружанка 39-17
Спартак – Металург Автокоманда 18-36

група Б
Астибо – Куманово 16-29
Чаир – Ѓорче Петров 2 39-24
Чаир – Куманово 28-27

група В
Скопје – Гевгелија 16-17
Ѓорче Петров – Деспина 44-10
Ѓорче Петров – Гевгелија 10-0 сл.

група Г
Вардар слоб.
Пелистер – Овче Поле СУ 33-13
Вардар – Пелистер 34-21