Ракометарките на Деспина дојдоа до трет сезонски триумф, откако кај Спартак славеа со 27:23 во натпревар од 8. коло од Женската лига.
Спартак парираше во првиот дел, но во вторите 30 минути до израз дојде квалитетот меѓу двете екипи, па така гостинките заслужено дојдоа до посакуваната цел.
Најефикасни во победничката екипа со по пет гола беа Сања Цветкоска, Евгенија Цаневска и Андреа Конеска. Кај Спартак се истакна Зорица Андовска со 11 гола.
Металург Автокоманда на гостувањето во Гевгелија кај истоимената екипа одигра како на тренинг триумфирајќи со 51:10 (26:8).
Марија Гугуљанова беше најефикасна во победничката екипа со 15 гола, 10 имаше Александра Коловска, осум постигна Борјана Коцева.
Во поразениот табор Симона Динева беше најефиксна со три гола, по два имаа Благица Ступар, Елена Димова и Павлинка Митрова.
ПОВРЗАНИ ВЕСТИ
