Македонската интернационалка Марија Николовска откако минатата сезона започна кариера надвор од Македонија, има нов клуб.
25-годишната Николовска потпиша за косовскиот суперлигаш Самадреџа, а во овој клуб друштво ќе и прават и трите екс ракометарки на Чаир – Аниса Сали, Севда Озкан и Мариами Микхелидзе.
Николовска, која може да настапува на сите бековски позиции, ланската сезона ја мина во редовите на АЕК Атина и со игрите кои ги демонстрираше беше една од подобрите во грчкиот клуб.
На домашна сцена играше за Чаир, Вардар, Ѓорче Петров и Спартак, додека на репрезентативно ниво некоку пати учествуваше на подготовките во сениорската репрезентација.
Со екипите на Чаир три сезони по ред настапуваше во Европа, поточно во Европскиот Куп и беше една од најдобрите стрелци во нејзиниот поранешен клуб.
ПОВРЗАНИ ВЕСТИ
