Некогашниот кружен напаѓач на Вардар, Патрик Валчак, објави дека ја завршува кариерата во националниот тим на Полска.
Членот на Загреб, кој по заминувањето од Вардар една сезона настапуваше за Спортинг Лисабон, тоа го откри во интервју за „Преглед Спортови“.
„Ја донесов оваа одлука поради здравствени и лични причини“, изјави кратко Валчак, кој настапи за Полска на четири големи натпреварувања.
Тој настапуваше седум години за националниот тим, беше дел од 86 натпревари и постигна 71 погодок.
Беше дел од полската репрезентација на СП 2017, СП 2021, ЕП 2022 и СП 2023.
ПОВРЗАНИ ВЕСТИ
