Машката репрезентација на Македонија во комплетен состав се подготвува за големиот предизвик – бараж двомечот со Фарски Острови за пласман на СП.
Селекторот Кире Лазаров од вчера смета и на капитенот Никола Митревски од Порто и Филип Талески од Бенфика.
Двајцата во саботата играа дерби во Португалија, вчера пристигнаа во Македонија и му се приклучија на националниот тим.
Македонската експедиција со чартер лет утре од 09:00 часот заминува за Торшавн, со попатна дестинација Хамбург, а во главниот град на Фарски Острови треба да пристигне околу 15:00 часот.
Првата средба меѓу Македонија и Фарски Острови се игра во Торшавн на 8 мај од 20:00 часот, додека реваншот е на 12 мај од 19:00 часот во СЦ „Борис Трајковски“.
ПОВРЗАНИ ВЕСТИ
