Ракометарите на Еурофарм Пелистер славеа против хрватскиот вицепрвак Нексе Нашице со 27-23 и од второто место во групата ќе одат во четвртфиналето на регионалната СЕХА лига.
Херој на пелистерци беше голманот Марко Кизиќ, кој одбрани пенал во последните секунди, и спречи битолчани да одат на двомеч со Загреб.
,,Ние бевме мотивирани и одигравме одличен натпревар против квалитетна екипа. Навивачите не поддржуваа во текот на целиот натпревар и ни дадоа голема мотивација. Не е лесно да се победи против тим како Нексе. Оваа победа секако дека ни дава голем мотив за следните натпревари од СЕХA лигата и домашниот шампионат”, изјави Кизиќ.
Ривалот во четвртфиналето, Еурофарм Пелистер ќе го дознае на 27 март кога ќе бидат комплетирани дуелите од групата Б каде што се Вардар, Партизан и Татран Прешов.
Кизиќ херој против Нексе, Еурофарм Пелистер од второто место во СЕХА четвртфинале!
ПОВРЗАНИ ВЕСТИ
