Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.
За разлика од лани, годинава има 16 екипи. Сезоната ќе биде долга, ќе има неизвесни битки за пласман во плеј-офот каде ќе играат осум екипи.
Дефинитивно на љубителите на ракометот нема да им недостигаат драматични и неизвесни натпревари во двете групи од суперлигашката конкуренција.
Ние ги одбравме најдобрите седум, а со помош на вашите гласови ќе се одбере ракометарот кој ќе биде МВП на колото.
Ќе можете да го дадете вашиот глас за еден од ракометарите во изборот најдоцна до недела на пладне, кога ќе биде познато кој ќе биде избран за најкорисен играч на колото.
РЕЗУЛТАТИ ОД 13. КОЛО ОД СУПЕР МАШКАТА ЛИГА
група А
ВАРДАР – КУМАНОВО 37-21
ОХРИД – СТРУГА 22-22
АЛКАЛОИД – ВАРДАР НЕГОТИНО 40-16
ПРИЛЕП – БУТЕЛ СКОПЈЕ 25-33
група Б
ПРОЛЕТ – СКОПЈЕ 35-30
РАДОВИШ – ЕУРОФАРМ ПЕЛИСТЕР 2 24-35
ТИКВЕШ – ЕУРОФАРМ ПЕЛИСТЕР 20-30
ЈУНИОР КВ – ГОЛДЕН АРТ 20-28
ИДЕАЛЕН ТИМ НА 13. КОЛО ОД СУПЕР МАШКАТА ЛИГА
ГОЛМАН: Дејан Рикановиќ (Струга) – Босанскиот голман со 12 одбрани беше меѓу најзаслужните за ремито на стружани во езерското дерби.
ЛЕВО КРИЛО: Крсте Андоновски (Охрид) – Капитенот на Охрид со пет гола беше најдобар стрелец во езерското дерби против Струга.
ЛЕВ БЕК: Иван Џонов (Пролет) – Со шест голови македонскиот репрезентативец го водеше составот на Пролет до нова победа во Суперлигата.
СРЕДЕН БЕК: Ивица Илиев (Голден Арт) – Искусниот организатор на играта со пет гола беше меѓу најефикасните играчи во триумфот на гости кај Јуниор КВ.
ДЕСЕН БЕК: Павле Петровиќ (Еурофарм Пелистер 2) – Босанскиот десен бек имаше девет погодоци во победата на гостински терен кај Радовиш.
ДЕСНО КРИЛО: Ален Ќосевски (Вардар) – Со 11 гола го предводеше македонскиот шампион до суперлигашки триумф над Куманово.
ПИВОТ: Владимир Јевтиќ (Бутел Скопје) – Српскиот интернационалец со седум гола го предводеше Бутел до три бода на гости кај Прилеп.
ПОВРЗАНИ ВЕСТИ
