Ракометарките на Вардар имаа лесна задача во 9. коло од плеј-офот во Женската лига и на домашен терен остварија убедлива победа против екипата на Стружанка со 33:15.
Уште од самиот старт Вардарки доминираа на теренот и веќе после петнаесетина минути игра го решија победникот. После 2:2 направија серија од 13:1 за огромно водство од дванаесет гола разлика.
До полувремето Стружанка успеа да намали и губеше со девет гола, 16:7. Но и во продолжението гостите немаа сили за поголем отпор, Вардар без проблеми го водеше мечот кон победа. На крајот остварија многу убедлив триумф со кој за момент ќе се искачат на втората позиција на табелата.
Најефикасна во победничкиот тим беше Ивона Трпевска со седум гола додека шест постигна Бојана Коцева. Во тимот на Стружанка најпрецизна беше Теодора Маркоска со пет гола, а четири постигна Далипоска.
ПОВРЗАНИ ВЕСТИ
