Ослабениот Еурофарм Пелистер во финишот потклекна кај Татабања

Тимот на Еурофарм Пелистер загуби на гостувањето кај унгарската Татабања со 25-21 во натпреварот од 9 коло во Лигата на Европа. Ослабени, без тројцата бекови – Обрадовиќ, Табоада и Велковски, а во финишот и без Периќ, битолчани пружија солидна партија, но на крајот се враќаат без бодови од ова незгодно гостување.

По 1-1 на стартот, Матијас Ѓери со два гола во серија и донесе плус два на Татабања, 3-1, а беше и 4-2. Битолчани набрзина се вратија со реми, 4-4. Во продолжение се играше гол за гол, а Секељ му одбрани пенал на Балог. На спротивната страна и Бартуч беше поуспешен од Периќ, па со двата гола од десните бекови Балог и Анчин, Татабања стигна до 8-6.

Мандалиниќ погоди во напад што беше на работ на пасивност, а потоа истиот играч од далечина израмни на 8-8. Кизиќ само што влезе на голот, му запре удар на Анчин, па македонскиот тим за првпат поведе на мечот со голот на Мандалиниќ за 8-9.

Хрватскиот лев бек играше одлично и со шестиот гол донесе 9-10 на пет минути до крајот на првото полувреме. Израмнија домашните во продолжение, а Радовиќ изнуди исклучување на Фотаке во следниот напад на битолчани. Маџовски израмни на 11-11, а потоа Кизиќ со третата одбрана му даде шанса на Еурофарм Пелистер да реализира, но неговите соиграчи не успеаја и на пауза се замина со реми.

Набрзина Граџан на стартот на вториот дел погоди два пати за првпат плус два за битолчани, 11-13, но како што стигнаа до предноста, така и ја загубија. Три брзоплети напади и Татабања веднаш се врати во водство, 14-13. Потоа се играше гол за гол, а Кизиќ спречи на два пати повисока предност за унгарскиот тим.

При резултат 18-17, домаќинот не успеа три пати да искористи напад, па казни Мандалиниќ со голот за 18-18 на десетина миути до крајот. Танкоски промаши вторпат, а Јухас на спротивната страна го совлада Кизиќ за 20-18. Кизиќ го запре Сунајко, додека Радовиќ со бомба намали на 20-19 кога остануваше да се играат уште пет минути.

Кукуловски, па Маџовски не успеаја да погодат во голот на Вишомирски, па Јухас зголеми на 23-20. Се обидоа битолчани и со седум на шест, но не одеше ништо во финишот, па македонскиот тим мораше да се помири со пораз.

ТАТАБАЊАЕУРОФАРМ ПЕЛИСТЕР 1 март 2022 25 - 21 Крај

Детали

Датум	Време	Лига	Сезона	Match Day	Крај
1 март 2022	19:31	ЛИГА ЕВРОПА D	2021/2022	01.03.2022	60'

Резултати

Екипа	1-во полувреме	2-ро полувреме	Резултат
ТАТАБАЊА	11	25	Победа
ЕУРОФАРМ ПЕЛИСТЕР	11	21	Пораз

ТАТАБАЊА

#	Играч	Позиција	Исклучување	Голови
1	Пјотр Вишомирски	голман	0	0
6	Атила Тот	десно крило	0	0
7	Адам Јухач	централен бек	0	2
9	Бенце Балинт	лев бек	0	0
14	Бенце Хорњак	десно крило	0	0
15	Дарко Стојниќ	пивот	1	0
16	Ласло Батруц	голман	0	0
17	Стефан Сунајко	лево крило	0	8
19	Жолт Балог	десен бек	0	2
22	Матијас Ѓери	централен бек	0	7
24	Урбан Лукаш	лев бек	0	1
29	Бенце Здолик	лев бек	0	0
33	Габор Анчин	десен бек	0	3
33	Алексеј Ушал	пивот	0	0
51	Виорел Фотаче	лев бек	1	2
77	Марк Даниел Бодор	лев бек	0	0
	Вкупно		2	25

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	0	0
3	Гоце Ојлески	лево крило	0	0
4	Никола Маркоски	пивот	0	0
6	Бојан Маџовски	лево крило	0	3
7	Дејан Кукуловски	лев бек	0	0
9	Стипе Мандалиниќ	лев бек	0	10
12	Мартон Секељ	голман	0	0
13	Мирко Радовиќ	десен бек	0	2
14	Марио Танкоски	централен бек	0	0
18	Јосип Периќ	централен бек	0	3
19	Ненад Костески	десно крило	0	0
24	Милорад Кукоски	лев бек	1	0
32	Јосип Божиќ Павлетиќ	десно крило	0	0
59	Елмир Граџан	пивот	0	3
98	Марко Кизиќ	голман	0	0
1	Филип Ивановски	голман	0	0
	Вкупно		1	21

Officials

Делегат:	Судии:
Јан Рудински	Арсим Витаку Ердоан Витаку