Ерупција во Битола: Вториот тим на Еурофарм Пелистер го понижи Вардар

Шампионот на Македонија, Вардар денеска доживеа тежок удар од составот на Еурофарм Пелистер 2 откако вториот тим на битолчани на домашен терен славеше против вардарци со 27:26. Во игра со контролирање на водството од почеток до крај победата за домашните беше потполно заслужена.

Од почетокот на средбата се виде тешка игра на вардарци кои како да не можеа да се вратат во потребниот ритам после поразот од Кил пред неколку дена. Постигнаа гол за водство преку Карапалевски, но потоа како да затаи нападот, а домашните тргнаа во посилно темпо.

Иако се знаеше кој е фаворитот на оваа средба, на теренот тоа не се забележуваше. Таму ракометарите од Еурофарм Пелистер 2 доминираа. Казнуаа постојано, а тоа водеше кон убав резултат.Во 5. минута беше 3:1, а набрзо следуваа нови три гола од домашните откако беше постигнат вториот од страна на гостинскиот состав. При 6:2 веќе требаше да се вклучи алармот и тука беше јасно дека вардарци недоволно сериозно се влезени во овој натпревар.

Домашниот тим играше сè подобро. Вујо мораше постојано со интернационалците да оди на максимум, а и тие тешко се снаоѓаа на моменти против расположените противници. Како одминуваше времето само се зголемуваше разликата која во финишот на првиот дел се искачи на највисоки плус пет, 14:9. Сепак, вардарци најдоа начин да намалат и на одмор беше 14:11 за Еурофарм Пелистер 2.

Почетокот на вториот дел донесе нова криза за Вардар. Мартин Томовски се обидуваше со одбрани да го одржи во живот тимот, но неговите колеги тешко наоѓаа игр во нападот со која ќе можат до намалување на предноста на противникот која беше постојано три или четири гола.

Надежта дека шампионот ќе се спаси од срам се појави на десетина минути до крајот од натпреварот. Тогаш предноста на Еурофарм Пелистер 2 падна на само еден гол, 22:21. До второто израмнување се дојде на три минути до крај кога резултатот беше 24:24 откако Талески реализираше. Сепак, траеше само кратко бидејќи Атанасијевиќ веднаш донесе ново водство.

Моралес израмни веќе во следниот напад, а потоа откако асеновски донесе водство, Гаџа и Талески не се разбраа при додавање и тука веќе беше јасно. Кузмановски реализираше за 27:25 и Битола можеше да почне да слави. Она што не му успеа на првиот тим, го направи вториот состав на Еурофарм Пелистер, кој денеска го сруши шампионот во салата „Боро Чурлевски“. Голот за крај за 27:26 не смени ништо бидејќи бодовите се за Еурофарм Пелистер 2.

ЕУРОФАРМ ПЕЛИСТЕР 2ВАРДАР 1961 30 октомври 2021 27 - 26 Крај

Детали

Датум	Време	Лига	Сезона	Match Day	Крај
30 октомври 2021	19:27	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	30.10.2021	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР 2	14	27	Победа
ВАРДАР 1961	11	26	Пораз

ЕУРОФАРМ ПЕЛИСТЕР 2

#	Играч	Позиција	Исклучување	Голови
1	Бобан Ристевски	голман	0	0
3	Цветан Кузманоски	лево крило	0	4
8	Павле Атанасијевиќ	централен бек	2	6
9	Васко Димитровски	пивот	0	1
12	Христијан Јовановски	голман	0	0
13	Павле Петровиќ	десен бек	0	4
16	Благојче Трајкоски	голман	0	0
19	Стефан Андонов	-	0	0
21	Димитар Димитриоски	централен бек	0	3
22	Иван Димитровски	лево крило	2	0
23	Стефан Талевски	централен бек	0	1
33	Петар Атанасијевиќ	лево крило	0	2
34	Емилијан Ѓорговски	лев бек	0	1
66	Милан Ѓукиќ	десно крило	0	2
88	Димитриј Блажевски	десен бек	0	0
99	Филип Арсеновски	пивот	2	3
	Вкупно		6	27

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	1	1
6	Оливие Њокас	лев бек	0	1
8	Јоел Куни Моралес	десен бек	0	4
9	Гоце Георгиевски	десно крило	0	6
11	Мартин Карапалевски	централен бек	1	2
12	Мартин Томовски	голман	0	0
21	Давид Савревски	десен бек	0	0
22	Жереми Тото	пивот	1	6
24	Анте Гаџа	централен бек	1	1
28	Филип Талески	лев бек	1	2
33	Стефан Крстевски	централен бек	0	0
45	Дарко Ѓукиќ	десно крило	0	3
55	Стефан Атанасовски	пивот	1	0
77	Ален Ќосевски	десно крило	0	0
97	Марко Мишевски	лев бек	0	0
	Вкупно		6	26

Officials

Судии:	Делегат:
АНГЕЛЕСКИ ГОРАН СЕДЛОСКИ РУБИНЧО	ЦВЕТКОСКИ ИЛИЈА

СУПЕР МАШКА ЛИГА – ТАБЕЛА