Блажески ја водеше Струга до победа во Радовиш

На гостувањето во Радовиш, кај истоимениот состав, Струга славеше победа со 22:19 во рамките од првото коло од Супер лигата.

Екипата на Радовиш по пет минути игра имаше водство од 3:2 со головите на Стојановски, Органџиев и Трајанов. Избраниците на Наум Танески со серија од 2:0 стигнаа до минимално водство од 4:3. Во следните минути се играше израмнето, а по 15 минути игра резултатот беше 7:7.

Неизвесноста на теренот продолжи до крајот на првото полувреме. Струга на моменти имаше можност да се одлепи на два разлика при водство од 8:7 и 9:8, но домаќините не дозволуваа противникот да направи поголема предност, па после 30 минути игра, Струга замина со предност од 11:10.

Во второто полувреме составот на Струга конечно дојде до два позитива, 12:10. Гостинската екипа направи неколку технички грешки и поради тоа, Радовиш повторно се врати во игра за освојување на бодовите и по долго време конечно дојде до водство, 13:12. Ова се случи после десет минути игра во вториот дел.

За неколку минути, ракометарите на Струга го вратија водството и преку Блажевски во 48. минута имаа предност од 16:14. Црногорскиот интернационалец, Кастратовиќ ги донесе највисоките три гола разлика за неговата екипа, 17:14. Струга во последните пет минути рутински го одржа своето водство и заслужено се израдува на бодовите во новата сезона од Супер лигата.

Најефикасен на натпреварот беше ракометарот од Струга, Бобан Блажевски со 11 гола. Во Радовиш, Зоран Стојановски беше прв стрелец со четири погодоци.

Струга во второто коло на свој терен го пречекува Охрид во езерското дерби. Составот на Радовиш ќе гостува во Скопје кај актуелниот шампион на Македонија, Вардар.

РАДОВИШСТРУГА 12 септември 2021 19 - 22 Крај

Детали

Датум	Време	Лига	Сезона	Match Day	Крај
12 септември 2021	20:36	REГУЛАРЕН ДЕЛ | ПЛЕЈ ОФ СУПЕРЛИГА	2021/2022	12.09.2021	60'

Место

Спортска сала „25 МАЈ“

Резултати

Екипа	1-во полувреме	2-ро полувреме	Резултат
РАДОВИШ	10	19	Пораз
СТРУГА	11	22	Победа

РАДОВИШ

#	Играч	Позиција	Исклучување	Голови
1	Славјан Паунов	голман	0	1
2	Филип Митев	-	0	0
3	Зоран Стојановски	лево крило	0	4
7	Александар Долдуров	лево крило	1	0
9	Спасе Ѓоргиев	десно крило	0	1
10	Здравко Постолов	централен бек	0	2
11	Аце Спасов	лев бек	0	0
12	Александар Ристов	голман	0	0
16	Александар Мицев	голман	0	0
18	Ангелче Органџиев	лев бек	0	3
19	Дино Мехиќ	десен бек	1	2
23	Кристијан Ристов	лево крило	0	1
71	Филип Трајанов	десно крило	0	1
77	Александар Вујниќ	лев бек	1	3
88	Томче Трајчевски	пивот	1	1
90	Филип Костадинов	-	0	0
	Вкупно		4	19

СТРУГА

#	Играч	Позиција	Исклучување	Голови
1	Владо Затаракоски	голман	0	0
2	Петар Маркоски	-	0	0
4	Христијан Крстаноски	лев бек	0	3
5	Бобан Савески	-	0	0
6	Филип Пајкоски	пивот	0	0
7	Бобан Блажески	десно крило	0	11
9	Пеце Ѓорѓиоски	пивот	1	2
11	Тодор Јанкулоски	десно крило	0	0
12	Никола Матовиќ	голман	0	0
13	Петар Ферукоски	пивот	0	0
14	Мартин Табаковски	-	1	0
20	Ивица Дукоски	централен бек	0	0
22	Владан Кастратовиќ	централен бек	0	3
24	Ненад Костоски	лево крило	0	2
3	Славе Јанковски	лево крило	2	1
	Вкупно		4	22

Officials

Судии:	Делегат:
ГЕОРГИЕВСКИ ДЕЈАН ГЕОРГИЕВСКИ ДИМИТАР	МЕТАЛАРИ КАМЕР