Тројца македонски репрезентативци вечерва беа на терените во Бундес лигата со своите екипи. Мартин Томовски со неговиот Лудвигсхафен беше домаќин на Штутгарт и Жарко Пешевски и славеше победа 28:24.
Првиот дел беше клучен за победникот кога Лудвигсхафен обезбеди позитива од 14:8. Во продолжението тимот на Томовски имаше и двоцифрена позитива, само во финишот Штутгарт успеа да го ублажи поразот.
Пешевски на овој натпревар постигна еден погодок од два удари. Додека Мартин Томовски имаше солидна партија и за едно полувреме успеа да забележи шест интервенции. Лудвигсхафен е на 17. место, а Штутгарт на 13. место на табелата во Бундес лигата.
Екипата на Вецлар оствари важна победа против Фуксе Берлин на домашен терен со 29:27. Составот на Филип Миркуловски беше во водство во текот на целиот натпревар и сосема заслужено триумфираше. Повратникот во македонската репрезентација не усепа да се запише во листата на стрелци на овој дуел.