Многу неизвесност и надигрување за втора радост на Еурофарм Пелистер

Ракометарите на Еурофарм Пелистер се изборија за втора победа во Групата Д од Лигата на Европа откако денеска го совладаа составот на Татабања со 21:19 и на тој начин дојдоа до важни два поени во еден многу тежок натпревар.

Од почетокот на средбата двете екипи наметнаа игра во која одбраната и голманите дојдоа до израз. Сепак, откако беа потребни неколку минути за нападот на Еурофарм Пелистер да фати ритам и да успее да дојде до предност од пет гола.

После 1:2 во 4. минута следуваа 13 минути без примен гол и водство од 7:2 што не беше доволно за да може да се продолжи мирно односно да се оди во натпреварот сигурно до крајот. Место одржување на предноста се влезе во криза и во завршните моменти од првото полувреме гостите се вратија и дојдоа до еден гол негатива.

На одмор Еурофарм Пелистер имаше предност од 11:10 и ова најави интересно второ полувреме.

Во продолжението долго се бараше игра со која тимот од Битола ќе успее да дојде до предност со која ќе има мирно продолжение на средбата. Не одеше најдобро, но имаше контрола на предноста која се движеше од два до три гола.

Главно се играше тврдо односно и едната и другата екипа поголема концентрација трошеа на одбраната отколку на нападот, па немаше многу голови. Сепак, кога најмногу беше потребно Хендави успеа да одбрани и да не дозволи тимот од Унгарија одново да се врати во средбата.

На три минути до крајот и на плус три дојде до исклучување на Радовиќ, а гостите брзо намалија. Еурофарм Пелистер имаше 21:19, но имаше уште време за менување на работите. До крајот се одигра мирно и главно трошеше времето, па на крајот остана истиот резултат за два важни бода за составот на Еурофарм Пелистер во Групата Д од Лигата на Европа.

Двете екипи ќе се соочат и утре од 17 часот исто така во салата „Боро Чурлевски“ во Битола.

ЕУРОФАРМ ПЕЛИСТЕРТАТАБАЊА 10 февруари 2021 21 - 19 Крај

Детали

Датум	Време	Лига	Сезона	Match Day	Крај
10 февруари 2021	19:05	ЛИГА ЕВРОПА D	2020/2021	10.02.2021	60'

Место

Спортска сала „Боро Чурлевски“

Резултати

Екипа	1-во полувреме	2-ро полувреме	Резултат
ЕУРОФАРМ ПЕЛИСТЕР	11	21	Победа
ТАТАБАЊА	10	19	Пораз

ЕУРОФАРМ ПЕЛИСТЕР

#	Играч	Позиција	Исклучување	Голови
2	Матео Мараш	десен бек	0	4
3	Гоце Ојлески	лево крило	0	2
4	Никола Маркоски	пивот	0	0
7	Дејан Кукуловски	лев бек	0	2
9	Стипе Мандалиниќ	лев бек	0	5
10	Томислав Кушан	пивот	1	6
11	Невен Стјепановиќ	десен бек	0	1
13	Мирко Радовиќ	десен бек	2	0
14	Марио Танкоски	централен бек	0	0
18	Јосип Периќ	централен бек	0	1
19	Ненад Костески	десно крило	0	0
21	Градимир Чаневски	голман	0	0
23	Марин Вегар	лев бек	0	0
24	Милорад Кукоски	лев бек	0	0
59	Елмир Граџан	пивот	0	0
88	Карим Хендави	голман	0	0
	Вкупно		3	21

ТАТАБАЊА

#	Играч	Позиција	Исклучување	Голови
2	Милош Божовиќ	лев бек	1	0
3	Балаш Молнар	лево крило	0	0
7	Адам Јухач	централен бек	0	2
8	Адријан Сипос	пивот	0	0
13	Рихард Немеш	пивот	0	0
14	Бенце Хорњак	десно крило	0	0
16	Ласло Батруц	голман	0	0
17	Стефан Сунајко	лево крило	1	3
18	Ференц Илеш	лев бек	0	0
22	Матијас Ѓери	централен бек	0	6
23	Давид Дебрецени	пивот	0	0
27	Габор Анчин	десен бек	0	4
29	Бенце Здолик	лев бек	0	0
47	Петер Хорњак	десно крило	0	4
96	Михал Мартин Конечни	голман	0	0
	Вкупно		2	19