Гласањето ќе биде отворено до 31 јануари до 12 часот, а секој читател може да го даде гласот за еден избор, при гласањето ќе изберете идеален тим, најдобар одбранбен ракометар, млада надеж и тренер кој дал најголем придонес оваа полусезона. Нашите пријатели од „ИЗВОРСКА“ го подржаа изборот.
По завршувањето на есенската полусезона, односно регуларниот дел од Суперлигата, го избираме идеалниот тим и МВП на полусезоната. Поради коронавирусот и многу одложени натпревари, а дел од нив не се одиграа во планираните термини, изборот за МВП на колото оваа полусезона беше на пауза.
Но, затоа 24Ракомет, единствениот специјализиран спортски портал посветен на ракометот во соработка со нашите пријатели од „ИЗВОРСКА“ ќе ви овозможиме да гласате за најдобрите ракометари во првиот дел од сезоната.
Ние одбравме по петмина играчи на секоја позиција од кои вие можете да одберете.
Вие со гласање ќе изберете кои играчи ќе бидат најдобри и ќе влезат во идеалниот тим. Ќе го избереме и МВП играчот на сезоната.
Во категоријата дефанзивец номинирани се:
ФИЛИП АРСЕНОВСКИ – По трансферот од Металург во Битола, Арсеновски повеќе добива шанса во одбраната, и беше еден од најдобрите поединци во тој дел во играта на Еурофарм Пелистер 2.
ВЕЛКО МАРКОСКИ – Членот на Металург стандардно си ја завршуваше задачата во дуелите со противничките ракометари. Иако не ги одигра сите дуели, сепак и тој заслужено се наоѓа во овој избор.
БОРЧЕ СОКОЛОВ – Охридскиот тим без пораз го заврши регуларниот дел, а за добриот напад на избраниците на Раде Стојановиќ, беше заслужна одличната одбрана на чело со последниот бедем пред голот на Даниловски и Брауновиќ – Борче Соколов.
АЛЕКСАНДАР ДОЛДУРОВ – Поради големите проблеми со повреди и коронавирус, радовишани не успеаја да го покажат најдоброто од себе. Долдуров претходно беше докажан како одличен стрелец, а сега се покажа и како добар централен дефанизвец.
КРИСТИЈАН ВАСИЛЕВСКИ – Ракометарот на Бутел Скопје долги години е меѓу најдобрите дефанзивци во лигата, а и оваа полусезона таков беше случајот. Му помогна на неговиот клуб без поголеми проблеми да обезбеди место во разигрувањето за титулата.
Гласањето ќе биде отворено до 31 јануари 2021 година до 12 часот, а за најдобрите по позиции можете да гласате на линкот подолу.
ПОВРЗАНИ ВЕСТИ
