Гласањето ќе биде отворено до 31 јануари до 12 часот, а секој читател може да го даде гласот за еден избор, при гласањето ќе изберете идеален тим, најдобар одбранбен ракометар, млада надеж и тренер кој дал најголем придонес оваа полусезона. Нашите пријатели од „ИЗВОРСКА“ го подржаа изборот.
По завршувањето на есенската полусезона, односно регуларниот дел од Суперлигата, го избираме идеалниот тим и МВП на полусезоната. Поради коронавирусот и многу одложени натпревари, а дел од нив не се одиграа во планираните термини, изборот за МВП на колото оваа полусезона беше на пауза.
Но, затоа 24Ракомет, единствениот специјализиран спортски портал посветен на ракометот во соработка со нашите пријатели од „ИЗВОРСКА“ ќе ви овозможиме да гласате за најдобрите ракометари во првиот дел од сезоната.
Ние одбравме по петмина играчи на секоја позиција од кои вие можете да одберете.
Вие со гласање ќе изберете кои играчи ќе бидат најдобри и ќе влезат во идеалниот тим. Ќе го избереме и МВП играчот на сезоната.
Во категоријата десен бек номинирани се:
ЖАРКО БАЈРАКТАРЕВИЌ – Српскиот интернационалец беше најдобриот стрелец на Јуниор Кисела Вода и се покажа како одлично засилување. Иако на некои натпревари трошеше многу топки, сепак заслужено се наоѓа во изборот за најдобар десен бек.
ДЕНИС ТОТ – Без одличниот хрватскиот интернационалец не може да се замисли тимот на Охрид. Искуството од Асобал лигата е доволно за да биде на секој натпревар еден од најекспонираните поединци. Не е само добар стрелец, туку и солиден асистент.
ВАЊА СМИЉАНИЌ – Српскиот десен бек добро се снаоѓа и на десната крилна позиција, а има незгоден шут за сите голмани. Знае понекогаш да избрза, да оди во индивидуални акции, но вкупниот впечаток што Смиљаниќ го остава во Кавадарци е одличен.
МАРТИН СЕРАФИМОВ – Македонскиот репрезентативец се профилира во играч што може да ја повлече екипата и да биде лидер на теренот. Одличен пеналџија и меѓу најдобрите стрелци во екипата од Автокоманда.
ВУК ЛАКИЧЕВИЌ – Младиот Црногорец без доволно искуство дојде во Струга која му е прва интернационална станица. Има избрзани шутеви, знае да троши топки, но знае и да погоди кога најмногу и треба на екипата. Во него има „штоф“, но му претстои многу работа.
Гласањето ќе биде отворено до 31 јануари 2021 година до 12 часот, а за најдобрите по позиции можете да гласате на линкот подолу.
ПОВРЗАНИ ВЕСТИ
