Македонскиот интернационалец во Асобал лигата, Дарко Димитриевски имаше уште еден одличен настап во дресот на Синфин Сантандер.
На гостувањето кај Пуерто Сагунто екипата на Димитриевски оствари важна победа против конкурент од долниот дел на табелата во најдобрата лига во Шпанија со 26:28.
Во најголемиот дел од натперварот Синфин беше во предност а така беше и после првиот дел гостинскиот тим имаше водство 12:13. Во продолжението Пуерто Сагунто поведе само 17:16, но до крај повторно Синфин ја врати предноста и стигна до триумф.
Димитриевски во победата на Синфин Сантандер придонесе со пет гола од осум обиди и со овој учинок беше втор стрелец во екипата. Тимот на интернационалецот од Македонија се наоѓа на 13. позиција со три победи, едно нерешено и девет порази.
ПОВРЗАНИ ВЕСТИ
