Во Лигата на Европа за мажи се одиграа натпреварите кои беа закажани во рамки на 4. коло, а се играше и еден натпревар од 8. коло порано од редовниот термин каде што се сретнаа екипите на Тулуз и Адемар Леон.
На овие дуели фаворитите забележаа сигурни победи, додека најнеизвесно беше на натпреварот од 8. коло од групата на Металург. За одбележување е лесната победа на Спортинг на гостувањето кај Кристијанштад.
Бундеслигашот Фуксе Берлин немаше проблеми да го совлада Татран Прешов на свој терен и на крајот домашниот тим славеше со 35:27. Лисиците имаа целосна контрола на натпреварот и резултатот и во ниту еден момент не ја доведоа во прашање победата. По првиот дел беше 18:13, а до крајот рутински ја одработеа задачата.
Спортинг неочекувано лесно оствари триумф на гостувањето кај Кристијанштад со 27:32. Гостинскиот тим клучната разлика ја направи во првиот дел кога имаше водство од 11:16. Во продолжението без многу проблеми Спортинг го одржа водството за конечна победа.
Ракометарите на Монпелје остварија висока победа и го декласираа Бешикташ со огромна разлика од 40:16. Уште по првиот дел дранцускиот тим ја обезбеди победата кога имаше водство 23:7, продолжението беше формалност.
Во најнеизвесниот натпревар екипите на Тулуз и Адемар Леон одиграа 28:28 и ги поделија бодовите. Иако на полувреме гостите имаа предност 14:17, можеше да се случи да слави Тулуз со пресврт. Во последните две минути беше 28:26 за домаќинот, но Адемар даде два гола за реми и се одбрани во последниот напад на Тулуз.
ЛИГА НА ЕВРОПА, МАЖИ
РЕЗУЛТАТИ ОД 4. КОЛО:
Група А
Металург – Фиверс одложено
Висла Плоцк – Адемар Леон одложено
Тулуз – Чеховски Медведи одложено
Тулуз – Адемар Леон 28:28 (14:17) натпревар од 8.коло
Група Б
Динамо Букурешт – Ним 29:27 (14:15)
Фуксе Берлин – Татран 35:27 (18:13)
Кристијанштад – Спортинг 27:32 (11:16)
Група Ц
Алингсас – Магдебург 30:29 (15:14)
ЦСКА Москва – Нексе 29:18 (15:8)
Монпелје – Бешиткаш 40:16 (23:7)
Група Д
Тримо Требње – ГОГ одложено
Рајн Некар – Еурифарм Пелистер 28:20 (14:11)
Кадетен Шафхаузен – Татабања одложено
ПОВРЗАНИ ВЕСТИ
