Хрватскиот вицепрвак Нексе Нашице по младиот голман Доминик Кузмановиќ, ангажираше уште едно ново име. Станува збор за 20-годишното лево крило на црногорската репрезентација, Александар Бакиќ, кој досега играше за тимотна Комови.
Унгарскиот репрезентативец со српско потекло Урош Борзаш, по две години поминати во тимот на Татабања, ќе има нов предизвик во кариерата, откако потпиша договор со француската екипа Тулуз.
Белорускиот лев бек Дмитри Камишик, кој своевремено играше за Мешков Брест, по само една полусезона заминува од Нева Санкт Петербург и најверојатно ќе се врати во тимот на СКА Минск.
Перспективната португалска ракометарка Јоана Резенде, која настапува на левата бековска позиција ќе го има првиот интернационален предизвик откако потпиша договор со француската екипа Париз 92.
Унгарската голманка со украински пасош, Жудит Балог, ја напушти Бекешчаба и потпиша договор на една сезона со тимот на Шомбатељ, каде што брани српската репрезентативка Катарина Томашевиќ.
Откако ги продолжи договорите со Шпанците Игнасио Плаза Хименез и Начо Моја, грчкиот шампион АЕК Атина ја обнови соработката и со хрватскиот интернационалец Марин Бунета на уште една година.
