Јасмин стана неосвоива тврдина – Тиквеш го задржа плеј-оф курсот со триумф против Охрид

Ракометарите на Тиквеш дојдоа до победа од 25:23 против Охрид, а на овој дерби дуел кој беше максимално важен за двете екипи беа обезбеди три бода кои дефинитивно го задржуваат правецот кон плеј-офот на тимот од Кавадарци.

Стартот на средбата мина во израмнета игра. Охрид имаше расположени ракометари и голман кои одработеа добро на стартот. На моменти гостите беа и во водство така што успеаја да стигнат до предност, но тоа беше мало водство кое лесно беше анулирано од домашните.

Така беше до 23. минута кога резултатот беше 10:10. Тука домашните зацврстија во одбрана и успеаја да ги запрат налетите на гостите. Покрај тоа стигнаа и до три гола со кои на одмор заминаа со 13:10 така што имаа убава предност на паузата.

Вториот дел од натпреварот донесе интересна игра. Тиквеш тргна подобро во продолжението од средбата, но немаше зголемување на водството. Охриѓани успеваа да останат на негатива која им беше гаранција дека во продолжението ќе можат да се надигруваат.

Секој напад беше важен и мораше да биде одработен добро. Имаше малку грешки на двете страни, но речиси редовно разликата беше гол или два. Тиквеш имаше плус четири во отворањето на второто полувреме кога поведе со 15:11, но Охрид успеа да намали.

Според тоа како се движеа настаните односно како одминуваше времето сосема јасно беше дека тука во финишот може да има неизвесна завршница. Гостите намалија на еден гол негатива и беа во игра за барем бод, но при секое намалување домашните наоѓаа начин за погодок и враќање на плус два.

Во клучните моменти како и при бранењето на пеналите во првите десет минути од второто полувреме Велков му парираше на Брауновиќ, па голманите имаа свои моменти. Сепак, Велков беше поуспешен бидејќи Тиквеш успеа да дојде и до победа на овој натпревар што значи дека позицијата на Тиквеш е уште подобра во битката за плеј-оф.

На крајот од средбата попуштија нервите кај Младеновиќ кој очигледно имаше некои нерасчистени сметки со голманот Велков, па се обиде самиот да ги расчисти, но за среќа сè помина само со туркање и мала мешаница.

СУПЕР МАШКА ЛИГА – ТАБЕЛА

Потег на денот: Мајсторијата на Кондев за печат на првото полувреме против Охрид (ВИДЕО)