Македонскиот шампион Ѓорче Петров ја продолжува победничката низа во оваа сезона, откако славеше на гостувањето кај Астибо во Штип со убедливи 39-23.
Предводен од Марија Јанкуловска и Емилијана Ризоска, првакот имаше успешна проверка пред европските настапи следните викенд.
Домашниот тим парираше во првите петнаесетина минути кога беше 9-9. Потоа гостинките ја наметнаа својата игра, домаќинките најчесто се обидуваа преку Анчева, која не можеше се сама и на пауза се замина со водство на Ѓорче Петров, 21-12.
Второто полувреме беше само формалност и рутинско одработување на задачата од страна на избраничките на Симе Симовски.
Најдобри стрелци во Ѓорче Петров беа Марија Јанкуловска со девет и Емилијана Ризоска со осум погодоци, додека кај Астибо стандардно најдобра беше Марија Анчева со десет гола, додека Анита Атанасова само во вториот дел постигна седум погодоци.
ПОВРЗАНИ ВЕСТИ
