Во рамките од 26. коло од Романската лига во женска конкуренција, Глорија Бузау го доби дерби натпреварот против Рапид Букурешт со 26:23.
Иако ракометарките на Глорија Бузау имаа лошо прво полувреме, сепак, во вториот дел стигнаа до важни бодови.
Елена Ливриниќ пружи солидна партија против составот на Рапид Букурешт и натпреварот го заврши како втор стрелец во Бузау со пет голови. Нејзината колешка, Ангела Јанушевиќ беше незапирлива на теренот и постигна 14 гола од 16 обиди.
Капитенот на репрезентацијата на Македонија, Елена Ѓорѓиевска и нејзината екипа, Магура Чиснадие беа поразени од ЧСМ Букурешт со само еден гол разлика, 26:25.
Ѓорѓиевска беше најефикасна во својата екипа со осум гола, но немаше голема поддршка од своите колешки.
ПОВРЗАНИ ВЕСТИ
