Ракометарките на Ѓорче Петров славеа убедливо на гостувањето во Штип кај Астибо со 19-35 во натпревар од 13 коло во Женската лига.
Неизвесно беше само во првите неколку минути кога беше 2-2. Гостинките потоа си го фатија редот, стигнаа до плус три, 2-5, а полека ја градеа предноста, која на пауза беше 12 гола разлиа, 9-21.
Второто полувреме не донесе ништо ново на теренот. Избраничките на Симе Симовски комплетно го надиграа противникот и си заминаа од Штип со убедлив триумф.
Најдобри стрелци во тимот на Ѓорче Петров беа Ангела Јанкуловска и Симона Василева со по шест гола, додека кај Астибо се истакна Марија Анчева со осум погодоци.
ПОВРЗАНИ ВЕСТИ
