Чаир го штиклираше и Шампион

Тимот на Чаир ја оствари третата победа во третиот натпревар од новата сезона во Женската лига.

Избраничките на Басри Љатифи славеа на гостувањето кај составот на Шампион со убедливи 21-33.

Шампион водеше само на стартот со 1-0, потоа се беше во знакот на гостинките кои полека, но сигурно ја градеа предноста. Водеа со три гола на паузата, 10-13, но во вториот дел комплетно го надиграа ривалот.

Најдобри стрелци кај победникот беа Теодора Дукоска со шест и Бајра Бакиќ со пет гола, додека кај Шампион се истакна Анастасија Митова со пет погодоци.