Десниот бек од Црна Гора, Бранко Вујовиќ го напушта составот на Келце, кој во следната сезона ќе има преголема конкуренција на сите позиции. Вујовиќ одлучи дека е време за нов предизвик во кариерата, а го најде во составот на Хановер од Бундес лигата.
Ова значи дека од следната сезона Вујовиќ ќе му стане соиграч на Филип Кузмановски и ќе има можност за играње во најсилната лига во светот.
Вујовиќ е играч кој има 23 години, а кариерата ја почна во редовите на Сутјеска. Од 2015 година е член на Келце, но во периодот од 2017 до 2019 година беше на позајмица во Целје.
За репрезентацијата на Црна Гора игра од 2015 година, а во јануари ќе игра против Македонија на Европското првенство.
ПОВРЗАНИ ВЕСТИ
