Тренерот Антонио Карлос Ортега кој веќе четврта сезона го предводи бундеслигашот Хановер каде што настапува Филип Кузмановски го продолжи договорот со клубот и ќе остане долго на клупата.
Според информациите кои ги споделија од клубот на официјалниот веб сајт, 49 годишниот шпански стручњак и Хановер го продолжија договорот до летото во 2023 година.
Ортега минатата сезона го одлично го водеше Хановер и на карајот на сезоната беа пласирани на четвртата позиција во Бундес лигата што е најдобриот резултат на клубот во историјата.
Ова би трабало да е добра вест и за македонскиот репрезентативец Кузмановски кој добива сè поголема доверба од Ортега што би било можност за поголем напредок во иднина.
Шпанецот во Хановер е од 2017 година, а претходно работеше во Колдинг, Веспрем и Антекера, а исто така кратко ја предводеше и репрезентацијата на Јапонија.