Поранешниот десен бек на ЦСКА Москва, Игор Радојевиќ, во новата сезона ќе биде дел од романската екипа Доброгеа Суд Констанца, со која потпиша договор на две години.
Црногорскиот шампион Ловќен од Цетиње формира солиден тим за следната сезона. Откако се засили со повратниците Игор Марковиќ и Драшко Калуѓеровиќ, Ловќен ги донесе и левиот бек Немања Дракуловиќ од Тиват, како и пикерот Миодраг Ќорсовиќ од Рудар.
Десниот бек на романската Констанца, Дејан Малиновиќ, во новата сезона ќе биде дел од унгарскиот Балатонфуреди, со кој се обврза на договор на една година.
Некогашното лево крило на Вардар, Загреб, Антекера, Железничар – Добривоје Марковиќ, се наоѓа пред трансфер во босанската екипа Слога Добој, која ќе биде предводена од легендарниот Хрват, Марио Келентриќ.
Грчкиот шампион ПАОК Солун ангажираше кружен напаѓач кој ќе и прави друштво на нашата Марија Николиќ. Станува збор за Србинката Јована Стојановиќ, која минатата сезона ја помина во тимот на Железничар Инџија.
Искусниот чувар на мрежата Горан Анѓелиќ, го продолжи договорот со тимот на Стал Миелец на една година и ќе остане во Полска следната сезона. Анѓелиќ претходно бранеше за Рудар, Будуќност и уште неколку клуба во БиХ и Унгарија.
