Спортската сала „Младост” во Неготино, долги години не беше во функција на спортот. Во оваа сала своевремено тимот на Повардарие Неготино играше во Купот на градови, а неколку пријателски и квалификациски натпревари одигра и машката сениорска репрезентација.
Таа сега е повторно функционална и комплетно опремена според сите современи стандарди. Беше направена комплетна реконструкција, обновена кровната површина, стариот терен беше заменет со нов.
Реновиран беше и просторот под трибините, кој досега не беше во функција, а во втората фаза која следи ќе се реконструираат тоалетите, соблекувалните, трибината, прозорците и надворешната фасада. Салата треба да биде подготвена за натпревари од септември.
Прволигашот Вардар Неготино, кој е наследник на Повардарие, досега натпреварите од Првата лига ги играше во салата на гимназијата „Св. Кирил и Методиј“, но во новата сезона во која ќе биде еден од фаворитите за место во елитата, ќе настапува во салата „Младост“.
ПОВРЗАНИ ВЕСТИ
