Откако минатото лето одлучи да ја заврши својата кариера, Сергеј Горбок сега реши да му се врати на ракометот и да продолжи да игра во тимот на Дворец од Москва.
Сепак, се работи за екипа во која настапуваат ветерани, а истата се натпреварува во регионално натпреварување во Русија.
Ова е тим во кој играат уште неколку одлично познати имиња на рускиот ракомет кои во минатото оставија длабока трага. Станува збор за поранешниот играч на Чеховски медведи, Алексеј Каманин, како и Денис Кривошликов, кој порано го носеше дресот на Адемар Леон.
Горбок својата кариера ја почна во 1999 година во редовите на Аркатрон Минск, а потоа играше во ЗТР Запорожје, Целје, Рајн Некар, Чеховски медведи, одново во Рајн Некар, Вардар, Пик Сегед и уште еднаш во Вардар каде ја заврши кариерата. Играше за тимот на Белорусија од 2001 до 2009 година, а потоа од 2012 до 2020 година го носеше дресот на Русија.
ПОВРЗАНИ ВЕСТИ
