Светскиот првак со очекуван старт, Црногорците им беа лесна задача

Репрезентацијата на Данска дојде до триумф од 30:21 против составот на Црна Гора и на најдобар можен начин влезе во Европското првенство на кое одново е меѓу кандидатите за медал.

Данците решија сè во првото полувреме кога обезбедија предност од осум гола. Имаа отпор од противникот во првите десет минути, а потоа при резултат 4:4 дојдоа до серија од 4:0 и влегоа во период во кој постојано ја зголемуваа предноста.

Сосема очекувано имаа висока позитива на крајот од првиот дел и на одмор заминаа со 18:10 што најавија победа, па Данците можеа мирно да продолжат во натпреварот.

Вториот дел беше формалност. Хансен кој во првото полувреме постигна осум гола во вториот дел не мораше да форсира и додаде уште три погодоци така што без проблеми го заврши овој период од средбата и стигна до десет гола. Данците имаа контрола, па на крајот имаа победа од 30:21 со што се лидери после првото коло во Групата А со два поени.

В сабота следува дербито за првото место во групата во кое селекцијата на Данска игра против Словенија од 20:30 часот. Претходно од 18 часот, Македонија ќе ги одмери силите со репрезентацијата на Црна Гора.

ЕП 2022 – ГРУПА А

ТАБЕЛА