Репрезентативката на Македонија, Сара Ристовска, одигра одличен натпревар против тимот на Лада Тољати и даде добар придонес во победата од 30:23.
Се работеше за натпревар од 11. коло од Супер женската лига на Русија. ЦСКА Москва водеше и на крајот од првото полувреме со 15:10, а на крајот беше 30:23.
Се очекуваше интересен и неизвесен натпревар, а гостинките од Москва не дозволија изненадување и при резултат 5:5, со серија од 4 гола, избраничките на Јан Лесли дојдоа до предност која ја одржуваа и во продолжение.
Македонката во дресот на ЦСКА Москва и на овој натпревар беше меѓу најдобрите стрелци. Погоди четирипати, а повеќе од неа имаше Екатерина Илина која реализираше седумпати.