Екипата на ЦСКА Москва оствари уште една победа во рамките од Лигата на шампионите. Во Москва избраничките на Јан Лесли потешко од очекуваното триумфираа против Подравка со резултат 30:26 во рамките од 12-то коло од Лигата на шампионите.
ЦСКА Москва имаше лесно прво полувреме и често доаѓаше во позиција за гол. Првото полувреме заврши со два голови предност за ЦСКА Москва, 18:16. Во вториот дел Подравка играше добра одбрана и во 43-та минута со голот на Даниела Карлос го имаше првото водство, 22:23.
Сепак грешките во последните седум минути, промашениот пенал и изгубените топки во четирите напади по ред беа причина за поразот на хрватскиот шампион во Москва.
Македонската репрезентативка, Сара Ристовска имаше 100% ефикасност на натпреварот и заврши со четири погодоци од исто толку обиди. Најефикасна во победничкиот табор беше Полина Ведехина со шест погодоци, а кај Подравка, Дејана Милосављевиќ даде исто толку.
Овие две екипи веќе утре ќе го одиграат вториот натпревар. Во Москва екипата на Подравка формално ќе биде домаќин.