Пандемијата со коронавирус предизвика огромни проблеми ширум светот. Најголемиот дел од клубовите имаат скратени буџети, платите на ракометарите се намалени, а исто така присутна е и голема неизвесност за наредната сезона.
Левото крило на Кил, Руне Дамке зборуваше за влијането на коронавирусот на иднината на ракометарите и истакна дека нивната заработка е многу неизвесна.
„Оние што имаат нови клубови не можат да бидат сигурни дека ќе заработат барам еден цент после 1. јули. Ова е страшно, во еден момент стана јасно колку е важен планот Б. Сите треба да размислиме што ќе правиме после завршување на играчката кариера“, истакна Дамке.
Руне Дамке е долгогодишен член на Кил уште од 2012 година. Тој настапува и за репрезентацијата на Германија со која на Европското првенство во 2016 во Полска го освои златниот медал.
ПОВРЗАНИ ВЕСТИ
