Тимот на Делчево, кој пред две години успешно настапуваше во Првата лига, веројатно повторно ќе се пријави за учество во второто по ранг македонско натпреварување.
Планот е ростерот за екипата да биде составен претежно од ракометарите кои што играа и пред две години и им откинаа бодови и на неколку фаворити.
Во составот би требало да играат Гоце Ѓеоргиевски, Мирче Ѓеоргиев, Стефан Златковски и уште неколку кои во меѓувреме играа за други екипи.
Рокот кој им го даде Ракометната федерација на екипите да се пријават за лигите е 30 јуни, па дотогаш би требало да ја имаме и конечната листа и да знаеме колку екипи ќе брои Првата лига.