Селекторот на машката руска репрезентација, Велимир Петковиќ, го објави поширокиот список на ракометари за Мундијалот во Египет.
На списокот се најдоа 35 играчи, а меѓу нив нема ниту еден од двајцата ракометари на Вардар, Тимур Дибиров и Глеб Калараш.
За Дибиров веќе беше најавено дека нема да игра повеќе за националниот тим, а Калараш не беше ниту на претходниот собир за квалификациите за ЕП, па и за него стана јасно дека не е во плановите на Петковиќ.
Тука се познатите Павел Атман, Данил Шишкарев, Дмитри Кисељов, Александар Шкурински, Дмитри Санталов, Сергеј Марк Косоротов, Виталиј Комогоров…а иако нема клуб, Петковиќ на поширокиот список го стави и Сергеј Горпишин.
Русија е во група со Белорусија, Словенија и Јужна Кореја на СП во Египет и ќе игра во Александрија.
ПОВРЗАНИ ВЕСТИ
