Екипата на Штутгарт каде што настапува репрезентативниот пикер на Македонија, Жарко Пешевски во трилер завршница одигра нерешено на гостувањето кај Минден 27:27 во 28. коло од Бундес лигата.
Во првото полувреме домашниот тим имаше подобро издание, Минден поведе со 3:1 и 6:2. Оваа предност без многу проблеми ја одржуваа во текот на сите 30 минути. Пешевски и колегите немаа решение за противнчката игра и на полувреме губеа 14:10.
Во второто полувреме Штутгарт полека но сигурно ја топеше негативата, а до израмнување стигнаа дури во 57. минута кога беше 26:26. Веднаш потоа и поведоа но домашниот тим успеа да израмни. Штутгарт имаше 15 секунди во последниот напад но не усепа да стигне до победата.
Жарко Пешевски имаше солиден настап на овој натпревар и постигна три погодоци од четири удари. Штутгарт со овој бод останува на 13. позиција со вкупно 24 освоени бодови. Во следното коло ќе играат на домашен терен противн Рајн Некар.
ПОВРЗАНИ ВЕСТИ
