Ракометарите на Охрид влегуваат во плеј-офот со максимални 12 победи откако денеска го надиграа и составот на Астраион и го совладаа со 31:22.
Охриѓани беа во предност во поголемиот дел од средбата. Првото полувреме главно мина во израмнета игра и долго се бараше игра за да се направи предност поголема од еден или два гола.
Екипата на Охрид беше во водство од првата минута. Имаа предност од еден гол, но домашните израмнуваа. Успеаја да поведат откако од 6:7 имаа серија од 3:0 за да се дојде до 9:7 и комплетно да се сменат сите нешта. Сепак, тука гостите уфрлија во повисока брзина и на одмор заминаа со водство од 13:11.
Во вториот дел од средбата дојде до израз подобрата подготвеност на ракометарите на Охрид. Тие почнаа постепено да го зголемуваат водството и во ниту еден момент немаа проблеми за да се изборат за водство со кое ќе можат целосно да имаат мирна игра до крајот.
Полека се одеше во финишот каде што остана само прашањето колку ќе биде разликата. Охрид знаеше да одигра искусно и да ја зачува високата разлика така што до крајот се одигра сигурно за конечни 31:22 и 12. победа во 12 одиграни натпревари од Групата А во Супер машката лига.