Екипата на Олимпијакос ја оствари втората победа на меморијалниот турнир „Крсте Андоновски Усташ“ откако го надигра Бешикташ со 29:26 и успеа да избори пласман во финалето на турнирот во Охрид. Олимпијакос на стартот на турнирот беше подобар и од домаќинот Охрид.
Првото полувреме донесе голема неизвесност и многу возбудувања во спортската сала „Билјанини извори“. Турскиот вицепрвак тргна мотивирано, по нерешените 3:3, со серија од 3:0 дојде до 6:3 и откако Олимпијакос израмни на 6:6, Бешикташ повторно се одлепи на плус три, 9:6.
Во тој момент дојде до криза во таборот на Бешикташ, кој некако успеа да му парира на Олимпијакос во остатокот од првото полувреме, но во вториот дел целосно потфрли и немаше сили да се надигрува со грчкиот тим. Олимпијакос со расположените крила најпрво израмни на 9:9, потоа поведе со 10:9, и до крајот на полувремето беше во резултатска предност. По 30 минути игра, резултатот гласеше 14:12 во корист за грците.
Олимпијакос нагази во вториот дел, во најголемиот дел водеше со три до четири гола разлика, разиграни беа повеќето ракометари кај грчкиот претставник , па така Бешикташ не можеше да фати чекор и да дојде до евентуален камбек.
Во рамки од последното коло од групата, Олимпијакос ќе игра против младиот тим на Голден Арт, додека Бешикташ ќе има дуел со домаќинот Охрид.
Бешикташ – Олимпијакос
Повеќе детали за турнирот во Охрид 2023, вести, табели, резултати, претставување на екипите, распоред на натпреварите,… ќе можете да најдете во делот посветен за турнирот на www.24rakomet.mk во главното мени на страната што ќе биде активен во вторник на 22 август 2023.
.
Следете не на нашата страница на Facebook и бидете дел од Viber заедницата на 24Ракомет и добивајте ги сите информации веднаш на вашиот телефон.
Можете и да коментирате, да ги кажете вашите размислувања под секоја објава на веста на Вибер.
ПОВРЗАНИ ВЕСТИ
