Екипата на Металург РА предводена од Дамјан Наумовски со победа ги започна натпреварите од прволигашкиот плеј-оф по триумфот над Шампион од 36:32.
Избраниците на Бочкаровски од самиот почеток беа во резултатска предност и со подобрата игра во финишот од дуелот се израдуваа на победа во првото коло од плеј-оф фазата во Првата лига.
Откако првиот дел заврши со предност на Металург РА од ,,плус три”, 20:17, второто полувреме донесе поголема неизвесност.
Тимот на Шампион во последниот период речиси се врати во игра и во неколку моменти имаше негатива од еден гол, но ракометарите на Бочкаровски беа повеќе пофокусирани во финишот и не дозволија поделба на бодовите.
Натпреварот помина во знакот на Дамјан Наумовски од Металург РА и Илија Пејковски од Шампион.
Наумовски ја предводеше победничката екипа со 15 погодоци, додека во поразениот табор залудни беа 16 реализации на Пејковски, кој немаше голема поддршка од своите соиграчи.
ПОВРЗАНИ ВЕСТИ
