Екипата на Порто каде што настапува репрезентативниот голман на Македонија, Никола Митревски забележа нова победа во домашното првенство. Порто убедливо го совлада тимот на Мадеира со 44:26.
Натпреварот беше исклучително ефикасен уште од самиот почеток, фаворитот постојано ја контролираше играта и резултатот. Уште по првите триесе минути Митревски и колегите имаа предност од 23:15.
И вторите 30 минути развојот на настаните на теренот не се смени многу, разликата постојано растеше и Порто сигурно чекореше кон нов триумф. На крајот домашниот тим славеше триумф со високи 18 гола разлика.
Одново двајцата голмани добија шанса за настап, а Никола Митревски забележа шест одбрани и 30% одбрани. Порто останува на првата позиција на табелата со максимални 21 победа од исто толку натпревари. Во следното коло Митревски со својот тим ќе гостува на Санхоаненсе.
ПОВРЗАНИ ВЕСТИ
