Двајца македонски интернационалци беа на терените во 19. коло од Бундес лигата. Филип Миркуловски со Вецлар беше домаќин на Хановер за кој не настапи Филип Кузмановски и славеше победа со 26:24, додека Жарко Пешевски со Штутгарт загуби на гостувањето кај Гепинген со 17:27.
Во првото полувреме Вецлар и Хановер играа максимално израмнето со менување на водството, а по првиот дел домашниот тим имаше предност со 16:14. Во продолжението тимот на Миркуловски во ниту еден момент не ја испушти позитивата и стигна до нова победа. Македонскиот интернационалец упати еден удар кон пртивничкиот гол, но не успеа да погоди.
Пешевски и Штутгарт уште на раната фаза го изгубија натпреварот, Гепинген поведе 8:1 што во продолжение беше недостижно за противникот. На полувреме беше 14:7, а до крај домаќините обезбедија двоцифрен триумф. Жарко Пешевски натпреварот го заврши без реализација со едно промашување.
Вецлар со овој триумф се искачи на седмата позиција на табелата во Бундес лигата, а во следното коло повторно играат на домашен терен против Ерланген. Пешевски и Штутгарт се наоѓаат на 11. место на табелата и во следното коло гостуваат на Лајпциг.
ПОВРЗАНИ ВЕСТИ
