Ракометарките на Металург без проблеми остварија нова победа во 7. коло од Женската лига откако беа убедливо подобри на гостувањето кај Астибо каде што славеа победа со 19:32.
Фаворитот уште од самиот старт на дуелот ја најави победата, после почетните 2:5 имаше водство од 5:9 и полека ја зголемуваше предноста. До крајот на првите 30 минути Металург веќе имаше убедливо водство од 9:16.
И во продолжението од дуелот ракометарките на Металург играа лесно и рутински ја одржуваа предноста. До крај на натпреварот ја потврдија разликата во квалитет и запишаа нови бодови.
Предводнички во победата на Металруг беа Ивана Арсениевска и Ива Божиновска со по пет погодоци, Милица Николиќ и Мила Трајковиќ погодија по четири пати. Вo тимот на Астибо, Драгана Стојанова се истакна со девет погодоци.
ПОВРЗАНИ ВЕСТИ
