Македонската репрезентативка, Елена Ливриниќ, продолжува со одличните настапи во романскиот шампионат.
Нејзиниот клуб Глорија Бузау денес одигра неизвесен натпревар против Залау во рамките од 9.коло од домашниот шампионат. Конечниот исход беше 27:26 за екипата на Глорија Бузау.
Иако на полувреме резултатот беше 15:10, сепак гостинките имаа и неколку шанси за израмнување во последните минути од натпреварот.
Ливриниќ беше меѓу најефикасните стрелци со три погодоци. Втората репрезентативка од Македонија, Марија Штетиова, не настапи поради повреда за домашната екипа.
Бузау сега има биланс од шест победи, едно реми и два порази, и се наоѓа на четвртото место на табелата веднаш зад ЧСМ Букурешт, Баја Маре и Валчеа.
ПОВРЗАНИ ВЕСТИ
