Кој ќе го преживее февруарското лудило?

Екипите кои играат во Лигата нашампионите во женск конкуренција се наоѓаат во тешка ситуација бидејќи ќе мораат до 14 февруари да ги комплетираат сите одложени натпревари доколку не сакаат ЕХФ да мора службено да го одбира победникот.

Во најтешка поиција е составот на Кристијансанд кој ќе мора да одигра шест средби во период од 12 дена (од 3. до 14. февруари), а проблемот е во тоа што натпреварите ќе бидат играни во три земји. Поради правилото кое го имат во Норвешка за Ковид 19 со карантин тиомот на Кристијансанд своите средби како домаќин ќе ги игра на туѓ терен, па оттаму се очекува во следниот период да бидат одиграни средбите кои се заостанати и да биде комплетиран списокот на средби.

Покрај Кристијансанд во истата група со проблеми е и составот на Ростов Дон бидејќи и овој тим не може да ги игра своите средби, па тие се предвидени за во Словенија или во Унгарија. Ова е и со цел тимовите да имаат можност да одморат меѓу натпреварите и да не мораат да патуваат.

Неизвесно е што ќе се случи со другите две средби на Кристијансанд против Битигхајм и Мец бидејќи истите немаат термин, а факт е дека до 14 февруари мора да бидат завршени сите натпревари.

РАСПОРЕД НА ОДЛОЖЕНИТЕ НАТПРЕВАРИ

3 ФЕВРУАРИ

МЕЦ – КРИСТИЈАНСАНД (Франција)

6 ФЕВРУАРИ

КРИСТИЈАНСАНД – ФТЦ РАИЛ КАРГО (Унгарија)

КРИМ – РОСТОВ ДОН (Словенија)

БУКУРЕШТ – ЕСБЈЕРГ (Романија)

7 ФЕВРУАРИ

ФТЦ РАИЛ КАРГО – КРИСТИЈАНСАНД (Унгарија)

БИТИГХАЈМ – МЕЦ (Германија)

8 ФЕВРУАРИ

РОСТОВ ДОН – ЧСМ БУКУРЕШТ (Словенија или Унгарија)

10 ФЕВРУАРИ

КРИСТИЈАНСАНД – РОСТОВ ДОН (Словенија или Унгарија)

11 ФЕВРУАРИ

РОСТОВ ДОН – КРИСТИЈАНСАНД (Словенија или Унгарија)

13 ФЕВРУАРИ

РОСТОВ ДОН – ФТЦ РАИЛ КАРГО (Русија или Унгарија)

МЕЦ – ЧСМ БУКУРЕШТ (Франција)

14 ФЕВРУАРИ

КРИСТИЈАНСАНД – КРИМ (Словенија)

ЕСБЈЕРГ – БИТИГХАЈМ (Данска)